Lumaku ing latarmu
Salah sawijining cemara kang jejer pideksa
Sanajan wus ngandhut yuswa
Ing ademing suket ijo royo-royo mangsa rendheng iki
Angenku wus mabur
Bebarengan mangsa kang wus lunga
Menclok ana ing esemmu
Kang tansah lumayu
Kebak purnama mlayoni jejering tresna
Ganda cemara garing
Kang mabur katerak angin
Tanpa kinira tedhak ing netramu
Lan aku mesti damu supaya lejaring paninggalmu
Senjan mijilke waspamu
Tansah gamblang ngebaki punagi
Rina lan wengi....
Dak kendhat memayu hayuning tresna
Tresna purwaka kang mijil ing tlatah kampus ungu
Tidak ada komentar:
Posting Komentar